Mae Fforwm Cymru wedi’i sefydlu fel Fforwm ymgynghorol i roi mewnwelediad annibynnol, tystiolaeth a chyngor adeiladol i dîm gweithredol Ystad y Goron.
Yn dilyn proses recriwtio agored, mae chwech aelod annibynnol o’r sectorau preifat, cyhoeddus a’r trydydd sector wedi’u penodi i Fforwm Cymru i gynnig cyngor a safbwyntiau allanol ar strategaethau, prosiectau a materion sy’n dod i’r amlwg sy’n effeithio ar Gymru.
Mae arbenigedd aelodau’r Fforwm yn cwmpasu’r amgylchedd, amaethyddiaeth, polisi cymdeithasol ac economaidd, ac ynni adnewyddadwy.
Mae sefydlu’r Fforwm yn cyd-daro â phenodi Comisiynydd newydd i Fwrdd Ystad y Goron, Michael Plaut, sydd, o dan Ddeddf Ystad y Goron 2025, â chyfrifoldeb penodol am roi cyngor i’r Bwrdd am amodau yng Nghymru.
Aelodau’r Fforwm
- Dr Anwen Elias
- Dr Rebecca Heaton
- Alex Meredith
- Ffion Mitchell-Langford
- Jon Parker.
- Sara Turnbull
