Mae Llywodraeth newydd Cymru wedi cyhoeddi ei chyllideb Atodol Gyntaf.
Amlinellodd y Gweinidog Cyllid, Elin Jones AS, sut y bydd Llywodraeth Cymru yn dyrannu £294 miliwn ar draws eu blaenoriaethau polisi allweddol dros y flwyddyn nesaf.
Cadarnhaodd y gyllideb gyllid newydd fel a ganlyn:
- £20 miliwn i hybu’r cyflenwad o dai cymdeithasol,
- £40 miliwn i wella adeiladau ysgolion
- £5 miliwn ar gyfer cyfleusterau cymunedol
Mae’r gyllideb hefyd yn cynnwys £10 miliwn i deithio fforddiadwy ar gyfer pobl ifanc, £2 filiwn ar gyfer taliad plant Cynnal a £2 filiwn i roi cyfle i fwy o blant ddysgu nofio.
Roedd rhai cyhoeddiadau eisoes wedi’u gwneud, yn cynnwys:
- Dyrannu £55 miliwn i fynediad at ofal plant;
- Dyrannu £145 miliwn i’r GIG, yn cynnwys buddsoddi mewn canolfannau llawfeddygol a diagnostig, costau cynnal a chadw ysbytai a meddygfeydd.
- Dyrannu £15 miliwn i brydau ysgol am ddim mewn ysgolion uwchradd i deuluoedd ar Gredyd Cynhwysol
Bydd pleidlais ar y gyllideb yn dilyn trafodaeth yn y Senedd ar 14 Gorffennaf 2026.
