Caiff sefydliadau ar draws y canolbarth eu gwahodd yn awr i gyflwyno cynigion ar gyfer prosiectau cyfalaf newydd er mwyn helpu i lunio rhestr ranbarthol gryfach o brosiectau arfaethedig ar gyfer buddsoddi. Mae’r alwad agored yn fyw erbyn hyn.
Diben y rhestr o brosiectau arfaethedig yw adnabod, cefnogi a pharatoi ystod o brosiectau y mae eu heffaith yn fawr ac sy’n barod ar gyfer buddsoddiad, a all helpu i sbarduno twf economaidd hirdymor ar draws y rhanbarth. Bydd y rhestr yn darparu potensial opsiynau ar gyfer buddsoddi drwy Fargen Twf Canolbarth Cymru, a bydd hefyd yn golygu bod y canolbarth mewn sefyllfa gref i fanteisio ar gyfleoedd ariannu yn y dyfodol ac ar fuddsoddiad ehangach gan y sector preifat.
