Mae Llywodraeth Cymru wedi cyhoeddi y bydd yn datblygu Strategaeth Fwyd Genedlaethol i Gymru. Nod y strategaeth fydd creu dull mwy cydgysylltiedig o ymdrin â’r system fwyd gyfan, o gynhyrchu ac prosesu amaethyddol hyd at fanwerthu, caffael cyhoeddus, iechyd ac addysg.
Bydd y strategaeth – un o ymrwymiadau cyntaf Llywodraeth Cymru ar gyfer y cyfnod o 100 diwrnod – yn ystyried sut y gall polisïau bwyd gefnogi cynhyrchwyr yn well, cryfhau economi fwyd Cymru, cadw mwy o werth yng Nghymru, a hyrwyddo bwyta’n iach a llythrennedd bwyd.
Mae Llywodraeth Cymru wedi penodi Simon Wright i gadeirio Grŵp Gweithio Arbenigol newydd, a disgwylir i’r strategaeth derfynol gael ei chyflwyno i Weinidogion yn 2027.
Mae Wright yn arbenigwr ym maes bwyd a systemau bwyd, ac mae ganddo dros 30 mlynedd o brofiad yn sector lletygarwch Cymru. Ef yw perchennog Wright’s Food Emporium yn Llanarthne, a bydd yn arwain trafodaethau gyda chynhyrchwyr, busnesau a chymunedau ledled Cymru.
